२०८२ भाद्र ८ गते आइतवार
२०८२ भाद्र ८ गते आइतवार
देशैरभर बढिरहेको चिसोको प्रभाव तराईमा एक सातायता उच्च देखिएको छ । योसँगै तीन स्थानीय तहले विद्यालयमा पठनपाठन बन्द गरेका छन् ।
पछिल्लो पटक पर्सा जिल्लाको ठोरी र धोविनि गाउँपालिकाले निजी तथा समुदायिक विद्यालयमा पुस २४ गतेसम्मका लागि पठनपाठन बन्द गराएका छन् । यसअघि जिराभवानीले पठनपाठन बन्द गराइसकेको थियो ।
शीतलहरले गर्दा स्वास्थ्यमा प्रतिकूल समस्या नपरोस् भन्दै गाउँपालिकाहरूले पनि पालिकाका सम्पूर्ण संस्थागत र निजी विद्यालयमा पठनपाठन बन्द गराएका हुन् । विगत एक दिनदेखि चिसो र शीतलहरले पर्साको जनजीवन प्रभावित भएको छ ।
यस्तै, उच्च हिमाली जिल्ला हुम्लामा चिसो अत्यधिक बढ्दै गएपछि सामुदायिक तथा निजी विद्यालयले पठनपाठन बन्द गरेका छन् । सात स्थानीय तह रहेको हुम्लामा हिउँदे बिदाले पुस र माघ दुई महिना विद्यालयमा पठनपाठन बन्द हुने गर्दछ ।
चिसो अत्यधिक बढेसँगै स्थानीय तहले विद्यालयमा हिउँदे बिदा दिने गरेका छन् । जिल्लाका सातमध्ये छ गाउँपालिकाका विद्यालय हिउँदे बिदाले बन्द भएका छन् । जिल्लाको सदरमुकाम रहेको सिमकोट गाउँपालिकासहित नाम्खा, खार्पुनाथ, सर्केगाड र ताँजाकोट गाउँपालिकामा रहेका सामुदायिक तथा निजी विद्यालय बन्द भएका छन् ।
© 2025 All right reserved to khabarcnter.com | Site By : Sobij
