२०८२ भाद्र ७ गते शनिवार
२०८२ भाद्र ७ गते शनिवार
एकै महिनामा ६८० शिक्षक पद रिक्त भएको छ । अनिवार्य अवकाश पाउने २६४, मृत्यु हुने १४ र उपदान लिने गरी अवकाश भएका ३४ गरी ६८० शिक्षक पद खाली भएको हो। मंसिरमा पदावधि बाँकी छँदै राजीनामा दिने शिक्षकको संख्या धेरै देखिएको छ ।
मंसिर महिनामा ३६८ जना शिक्षकले राजीनामा दिएका छन् । राष्ट्रिय किताबखाना (शिक्षक) का महानिर्देशक रामराज खकुरेलका अनुसार मंसिरमा मात्रै ३६८ जनाले शिक्षकले पदावधि बाँकी छँदै निवृत्तिभरण पत्र लिएका छन् ।
चालु आर्थिक वर्षमा अनिवार्य अवकाश लिनेको संख्या करीब २७ सय रहेकामा साउनदेखि मंसिरसम्मको पाँच महिनाको अवधिमा मात्रै २ हजार ६० जनाले निवृत्तिभरण पत्र बुझिसकेका छन् ।
समयावधि बाँकी हुँदै निवृत्तिभरण पत्र लिनेको चाप बढेपछि विश्लेषणको लागि तथ्यांक निकालेको महानिर्देशक खकुरेलले जानकारी दिए ।
विभिन्न पार्टीको कार्यसमितिमा रहेका, दरबन्दी मिलान हुँदा अर्को स्थानीय तह वा जिल्लामा खटाइएका, जागिर छोड्दा स्थानीय तहको आकर्षक प्रोत्साहन भत्ता पाउने र आउने निर्वाचनमा भाग लिन चाहने शिक्षकहरुले निवृत्तिभरण पत्र लिएको राष्ट्रिय किताबखाना (शिक्षक) कार्यलयले निष्कर्ष निकालेको छ ।
अदालतले शिक्षकले राजनितिक दलको सदस्यता लिए र उम्मेदवार गरे कार्वाही गर्न आदेश दिएको छ ।
© 2025 All right reserved to khabarcnter.com | Site By : Sobij
