२०८२ भाद्र ७ गते शनिवार
२०८२ भाद्र ७ गते शनिवार
काठमाडौं । त्रिभुवन विश्वविद्यालय परीक्षा नियन्त्रण कार्यालय बल्खुले परीक्षा आवेदन फारम भर्ने सम्बन्धी सूचना जारी गरेको छ ।
कार्यालयले ४ वर्षे स्नातक तह प्रथम वर्ष नियमित तर्फको मानविकी व्यवस्थापन, शिक्षा शास्त्र संकाय र विज्ञान तथा प्रविधि अध्ययन सस्ंथान अन्तर्गत वि.ए., वि.वि.एड र वि.एस्सीका परीक्षार्थीहरुले आ–आफ्नो क्याम्पस / कलेजमा यहि मंसिर २७ देखि पुष २६ गतेसम्म र दोब्बर दस्तुर तिरेर साधारण म्याद सकिएको एक हप्ताभित्र परीक्षा आवेदन फारम भरी बुझाउन सूचना जारी गरेको छ ।
यस्तो छ सूचना
यसैगरी त्रिभुवन विश्वविद्यालयले विभिन्न तह, संकाय र खण्डको नतिजा सार्वजनिक गरेको छ । त्रिभुवनविश्व विद्यालय परीक्षा नियन्त्रण कार्यालय, बल्खुद्धारा २०७७ साल फागुन महिनामा सञ्चालित शिक्षाशास्त्र सङ्काय तर्फको परीक्षाफल प्रकाशित गरेको हो ।
प्रकाशित सूचना अनुसार शिक्षाशास्त्र सङ्काय तर्फ चार बर्षे स्नातक तह तेस्रो बर्ष परीक्षाको परीक्षाफल केन्द्रीय परीक्षा सञ्चालक समितिको निर्णयानुसार प्रकाशित भएको हो ।
त्रि.वि सङ्गठन तथा शैक्षिक प्रशासन सम्वन्धी नियम २०५० को परिच्छेद् ६६ को दफा २६८ र २७० अनुसार परीक्षाको मर्यादा विपरित कार्य गर्ने क्रमाङ्क २८१००२१ र ७७७००१५ का परीक्षार्थीलाई त्रि.वि. बाट सञ्चालन हुने २०७८ सालसम्मको कुनैपनि परीक्षामा सम्मिलित हुन नपाउनेगरी २ (दुई) बर्षको लागि निष्काशन गरिएको छ ।
उक्त परीक्षाको परीक्षाफल त्रि.वि परीक्षा नियन्त्रण कार्यालयको आधिकारिक वेवसाईट www.tuexam.edu.np मा गएर हेर्न तथा थाहा पाउन सक्नु हुनेछ त्यसै गरि Sms मार्फत नतिजा हेर्नको लागि B.ED. (Space) symbol number टाईप गरि 33624 मा Sms गरि हेर्न तथा थाहा पाउन सक्नु हुनेछ ।
परीक्षाफल सकेसम्म शुद्ध होस् भन्ने उदेश्यले प्रकाशित गरिएको छ तापनि छपाई वा अन्य कुनै कारणबाट अशुद्ध देखिएमा यस कार्यालयको अभिलेखबाट सच्याइने व्यहोरा अवगत गराइन्छ । सूचनामा भनिएको छ । साथै लब्धाङ्कपत्र १५ दिन पश्चात सम्बन्धित क्याम्पसबाट वितरण हुने समेत सूचनामा भनिएको छ ।
© 2025 All right reserved to khabarcnter.com | Site By : Sobij
