चितवन । चितवनमा एम्बुलेन्सको ठक्करबाट एक जनाको ज्यान गएको छ । भरतपुर महानगरपालिका–१५ मा आइतबार बेलुका दुर्घटना भएको हो।
से १ च ५८८ नम्बरको एम्बुलेन्सको ठक्करबाट अन्दाजी ३५ वर्षका पुरुषको ज्यान गएको चितवन प्रहरीले जनाएको छ ।
प्रहरीकाअनुसार घाइते भएका उनको भरतपुरको कलेज अफ मेडिकल साइन्स अस्पतालमा उपचारका क्रममा गएराति साढे ८ बजे ज्यान गएको हो ।
ज्यान गुमाउने व्यक्तिको परिचय खुलेको छैन । एम्बुलेन्सका चालकलाई प्रहरी नियन्त्रणमा राखिएको छ।
