२०८२ भाद्र ३ गते मंगलवार
२०८२ भाद्र ३ गते मंगलवार
काठमाडौं । शिक्षा, विज्ञान तथा प्रविधि मन्त्रालय र सरोकारवाला निकायहरूले शिक्षकहरूका मागप्रति चासो नदेखाएको भन्दै नेपाल शिक्षक महासंघले कात्तिक २८ गतेदेखि काठमाडौं केन्द्रित आन्दोलन गर्ने भएको छ ।
नेपाल शिक्षक महासंघले शिक्षकहरूका मागबारे शिक्षा मन्त्री, सचिव तथा सरोकारवाला निकायलाई औपचारिक रूपमै जानकारी गराएपनि चासो नदेखाएको भन्दै काठमाडौं केन्द्रित आन्दोलन गर्ने भएको हो ।
सबै शिक्षकहरूलाई आन्दोलनको तयारी गर्नका लागि अपिल गर्दे विगतमा भएका सबै सम्झौताहरूको कार्यन्वयन तथा बाँकी न्यायोचित मागहरू पुरा गर्न थालिएको आन्दोलन र यस कार्यक्रमबारे शिक्षा, विज्ञान तथा प्रविधिमन्त्री, सचिव तथा मन्त्रालयअन्तर्गतका सरोकारित निकायमा औपचारिक रूपमा जानकारी गराएको जनाएको छ ।
तर शिक्षकहरूका माग बारे जानकार हुँदाहुँदै पनि अहिलेसम्म सम्बन्धित पदाधिकारी तथा निकायहरूबाट यसबारे आवश्यक,चासो र जागरूकता नदेखाएको भन्दै नेपाल शिक्षक महासंघ र यसमा आबद्ध सबै संस्था, समिति तथा शिक्षक कर्मचारीहरूलाई आन्दोलनको आवश्यक तयारी गर्न निर्देशन दिएको छ ।
महासंंघले ३४ बुँदे माग राख्दै २० वैशाख २०७८ देखि निरन्तर आन्दोलन गर्दे आइरहेका छ ।
पाँचौ चरणको आन्दोलनअन्तर्गत कात्तिक २८ गतेबाट काठमाडौं केन्द्रित निर्णायक आन्दोलन गर्ने कार्यक्रम पहिलेनै घोषणा गरेको थियो ।
© 2025 All right reserved to khabarcnter.com | Site By : Sobij
