२०८२ भाद्र ३ गते मंगलवार
२०८२ भाद्र ३ गते मंगलवार
काठमाडौ । कक्षा १२ को परीक्षाको नतिजा सार्वजनिक गर्ने तयारी अन्तिम चरणमा पुगेको छ । राष्ट्रिय परीक्षा बोर्डका अनुसार कक्षा १२ को परीक्षाको नतिजा मंसिरभित्रै सार्वजनिक गर्ने तयारी भएको छ ।
राष्ट्रिय परीक्षा बोर्डका एक अधिकारीका अनुसार कुनै प्राबिधिक त्रुटी नदेखिएको खण्डमा उत्तरपुस्तिकाको जाँच अन्तिम चरणमा पुगेकोले मंसिरभित्रै नतिजा सार्बजनिक हुने प्रबल सम्भावना छ ।
राष्ट्रिय परीक्षाबोर्ड स्रोतका अनुसार ७० प्रतिशत काम भने सकिएको अबस्था छ र बाँकी कामलाई पनि बोर्डले तिब्रता दिएको छ ।
बोडै सम्बद्ध एक अधिकारीले भन्नुभयो, हामीले कामलाई तिब्रता दिएका छौँ । नतिजा मसिंरभित्र सार्बजनिक गर्नुपर्ने भएकाले कामलाई तिब्रता दिएका हौँ । कुनै प्राबिधिक त्रुटि नदेखिएमा हामी मंसिरभित्र नतिजा सार्बजनिक गर्नेछौ ।
कक्षा १२ को परीक्षा कोरोना कहरका बीच भदौ ३० देखि असोज ८ गतेसम्म सञ्चालन भएको थियो । सोअघि गत साउन ३१ देखि भदौ ९ गतेसम्म परीक्षा तालिका सार्वजनिक गरिएको थियो । तर कोरोना भाइरस संक्रमण बढेको भन्दै चौतर्फी दबाबका बीच स्थगित गरिएको थियो ।
सरकारले कक्षा ११ र १२ का बिधार्थीहरुलाई कोरोना भाइरसविरुद्धको खोप दिएपछि कोरोना महामारी बाट बच्ने मापदण्डका पुर्ण पालना गरेर राष्ट्रिय परीक्षा बोर्डले विद्यार्थीहरुको भौतिक उपस्थितिमै होमसेन्टरमै परीक्षा सञ्चालन गरेको थियो ।
© 2025 All right reserved to khabarcnter.com | Site By : Sobij
