२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । संखुवासभामा ६ जनाको हत्या आरोपमा पक्राउ परेका लोकबहादुर कार्कीका भाइसँग मृतकको मोबाइल फेला परेको छ ।
मादी नगरपालिका–१, उम्लिङमा ६ जनाको सामूहिक हत्या भएको घटनामा उनका भाइ नरेशको साथबाट हत्या गरिएकी रञ्जना कार्कीले प्रयोग गर्दै आएको मोबाइल फेला परेको हो ।
यही भदौ २१ गते ५५ वर्षीय तेजबहादुर कार्की, उनकी आमा पार्वती, श्रीमती कमला, बुहारी ३२ वर्षीया रञ्जना कार्की, आठ वर्षीय विपीन कार्की र पाँच वर्षीया गोमा कार्कीको चिर्पटले हानेर हत्या गरिएको थियो ।
हत्या गरिएकी रञ्जनाको मोबाइल नरेशको साथमा भेटिएको र यसबारे थप अनुसन्धान भइरहेको छ । प्रहरीले नरेशलाई पक्राउ नगरिएको र अनुसन्धान भइरहेको जानकारी दिएको छ ।
यसअघि, हत्या आरोपमा पक्राउ परेका लोकबहादुरले आफूलाई कार्की परिवारले निरन्तर हेप्दै आएकाले हत्या गरेको बयान दिएका थिए ।
उनले तेजबहादुरलाई मात्रै मार्ने योजना बनाएको भए पनि आफ्नो पोल खुल्ने डरले देख्नेजति सबैलाई चिर्पटले हानेर हत्या गरेको र सो चिर्पट जलाएको प्रहरीसँग बताएका थिए ।
© 2025 All right reserved to khabarcnter.com | Site By : Sobij
