एमालेले सभामुखविरूद्ध धम्कीपूर्ण अभिव्यक्ति दिएको भन्दै सत्तापक्ष गठबन्धनको आपत्ति, निकाल्यो यस्तो विज्ञप्ती

भाद्र ७, २०७८ सोमवार

4.8K

एमालेले सभामुखविरूद्ध धम्कीपूर्ण अभिव्यक्ति दिएको भन्दै सत्तापक्ष गठबन्धनको आपत्ति, निकाल्यो यस्तो विज्ञप्ती

काठमाडौं । सत्तागठबन्धनले नेकपा एमालेका अध्यक्ष केपी शर्मा ओलीले दिएको अभिव्यक्तिविरुद्ध आपत्ति जनाएको छ । गठबन्धनले एक विज्ञप्ती जारी गर्दैओलीले सभामुखविरुद्ध धम्कीपूर्ण अभिव्यक्ति दिएको भन्दै आपत्तिन जनाएको हो ।

नेपाली कांग्रेसका सचेतक पुष्पा भुसाल, माओवादी केन्द्रका प्रमुख सचेतक देव गुरुङ, जसपाका प्रदीप यादव, राष्ट्रिय जनमोर्चाकी दुर्गा पौडेल र नेकपा एकीकृत समाजवादीका जीवनराम श्रेष्ठले सोमबार संयुक्त वक्तव्य जारी गर्दै सभामुखविरुद्ध धम्कीपूर्ण अभिव्यक्ति दिएको बताएका छन ।

विज्ञप्तीमा भनिएको छ,, ‘सभामुखका विरुद्ध धम्कीपूर्ण अभिव्यक्तिहरु वर्तमान संवैधानिक व्यवस्था र लोकतान्त्रिक प्रणालीविरुद्ध हुन् ।’

एमालेले कारबाही गरेका माधवकुमार नेपालसहित १४ सांसदलाई पदमुक्त नगरेकोमा आक्रोशित ओलीले सभामुखलाई संसद चलाउन मन छ कि छैन ? भनेर प्रश्न गरेका थिए ।

pressrealese(1)1629705703_1200.jpg