२०८२ मंसिर १४ गते आइतवार
२०८२ मंसिर १४ गते आइतवार
काठमाडौं । नेकपा एमाले लुम्बिनी प्रदेश संसदीय दलले प्रदेश सभा सदस्य एवं विना विभागीय मन्त्री अजय शाही र सांसद बिमलाकुमारी वली खत्रीलाई पदबाट नहटाएसम्म सदन चल्न नदिने बताएको छ ।
प्रदेश सभाका सभामुख पूर्णबहादुर घर्तीलाई सोमवार पत्र बुझाउँदै प्रमुख सचेतक भूमिश्वर ढकालले सभामुखले पटक-पटक पद अनुकूलको आचरण नगरी प्रदेश सभाको गरिमामा आँच आउने काम गरेकाले संविधानको धारा १८२ को उपधारा ६ को देहाय खण्ड (ग) एवं प्रदेश सभा नियमावली, २०७४ को नियम (८) बमोजिम आचरण नगरेको र सदस्यबाट नहटाएको भन्दै सदन चल्न नदिने दाबी गरेका हुन् । आज प्रदेश सभाको बैठक बस्दै छ ।
प्रदेश सभा सचिवालयले प्रदेश सभा नियमावली १८७ सँग सम्बन्धित अनुसूची ६ अनुसार शाहीले स्वतन्त्र र वलीले माओवादी केन्द्रमा आवद्ध रहेको विवरण बुझाएको जनाएको छ ।
नेकपा एमालेले शाही र वलीलाई सांसद पदबाट मुक्त गर्न माग गर्दै प्रदेश सभाको बैठक अवरुद्ध गर्दै आएको छ ।
© 2025 All right reserved to khabarcnter.com | Site By : Sobij
