२०८२ मंसिर १५ गते सोमवार
२०८२ मंसिर १५ गते सोमवार
काठमाडौं । प्रधानमन्त्री शेरबहादुर देउवाले मन्त्रिपरिषद् विस्तारका लागि सत्तासाझेदार दलसँग छलफल थालेका छन् ।
सत्ता सम्हालेको दुई हप्ता पुगिसक्दासमेत मन्त्रिपरिषद्ले पूर्णता पाउन नसकेको भन्दै आलोचना भइरहेका बेला प्रधानमन्त्री देउवाले सत्तासाझेदार दलसँग परामर्श थालेका हुन् ।
जसपाको आधिकारिकतासम्बन्धी विवाद सोमबार समाधान भएपछि प्रधानमन्त्री देउवाले मन्त्रिपरिषद् विस्तारको तयारी थालेका हुन् । गठबन्धनमा आवद्ध उपेन्द्र यादवले जसपाको आधिकारिकता पाएपछि प्रधानमन्त्री देउवाले जसपा, माओवादीसहितका नेताहरुलाई समेटेर मन्त्रिपरिषद् विस्तार गर्न लागेका हुन् ।
प्रधानमन्त्री सरकार निवास बालुवाटारमा मंगलबार बिहान पुगेका माओवादी केन्द्रका अध्यक्ष पुष्पकमल दाहाल प्रचण्डसँग मन्त्रिपरिषद् विस्तारका विषयमा प्रधानमन्त्री देउवाले छलफल गरेका हुन् ।
प्रचण्डसँग छलफल गरे लगत्तै प्रधानमन्त्री देउवाले कांग्रेस पदाधिकारी बैठक राखेका छन् । आफ्नो निजी निवास बुढानिलकण्ठमा कांग्रेस सभापतिसमेत रहेका देउवाले मन्त्रिपरिषद् विस्तारका विषयमा आफ्नो पार्टीभित्र छलफल गर्न लागेका हुन् ।
© 2025 All right reserved to khabarcnter.com | Site By : Sobij
