२०८२ भाद्र २ गते सोमवार
२०८२ भाद्र २ गते सोमवार
सत्तारुढ नेकपा स्थायी कमिटीको बैठक शोक प्रस्ताव पारित गरेर स्थगित हुने भएको छ । आज दिउसो नेकपा स्थायी कमिटी बैठक बस्न लागेको छ। नेकपा कार्यालय धुम्बाराहीमा बोलाएको बैठक प्रधानमन्त्री निवास बालुवाटार सारिएको छ ।
बैठक भने दिउँसो १ बजे नै बस्नेछ । यसअघि २१ मंसीरमा धुम्बाराहीमा बैठक बसेको थियो। उक्त बैठकमा प्रधानमन्त्री तथा पार्टी अध्यक्ष केपी शर्मा ओली सहभागी भएका थिएनन् । आजको बैठकमा उनी सहभागी हुने बताइएको छ ।
आज बिहान नेकपा संसदीय दलका उपनेता तथा स्थायी समिति सदस्य सुवासचन्द्र नेम्वाङ पार्टी अध्यक्ष पुष्पकमल दाहाललाई भेट्न खुमलटार पुगेका थिए ।
यसअघि स्थायी समिति सदस्य तथा लुम्बिनीका मुख्यमन्त्री शंकर पोखरेलले पनि हिजो खुमलटार नै पुगेर उनीसँग भेट गरेका थिए।
© 2025 All right reserved to khabarcnter.com | Site By : Sobij
