२०८३ आश्विन २९ गते बिहिवार
२०८३ आश्विन २९ गते बिहिवार
.gif)
काठमाडौं । धनुषाको विदेह नगरपालिका–६ तिनकोरिया हाटबजारबाट डेढ वर्षीय बालक चार दिनदेखि हराइरहेका छिन् । स्थानीय कमलेश महतोका छोरा अन्दाजी १ वर्ष ६ महिनाका सिधान्स महतो बुधबार दिउँसो आफ्नै घरको आँगनमा खेलिरहेको अवस्थामा हराएका हुन् । जिल्ला प्रहरी कार्यालय धनुषाका अनुसार उनी भदौ १८ गते करिब ४ः४० बजेदेखि सम्पर्कविहीन छन् ।
बालकका बुवा सोही स्थानमा फलफूलको पसल सञ्चालन गर्दै आएका छन् । पानी परिरहेको समयमा घरको आँगनबाटै बालक हराएपछि परिवारले तत्काल प्रहरीलाई खबर गरेको जिल्ला प्रहरी कार्यालय धनुषाका प्रवक्ता डीएसपी ओमप्रकाश खनालले बताए ।
उनका अनुसार बालकको खोजीका लागि धनुषा प्रहरीले सम्भावित सबै स्थानमा खोजी अभियान तीव्र पारेको छ । जिल्ला प्रहरी कार्यालय धनुषाका प्रमुख एसपी रूपेश खड्का स्वयं पनि बालकको खोजीमा घटनास्थल तथा आसपासका क्षेत्रमा पुगेर निगरानी गरिरहेका छन् ।
बालकको खोजीका लागि प्रहरी निरीक्षक अरविन्द साहको नेतृत्वमा विशेष टोली २४ घण्टा परिचालन गरिएको डीएसपी खनालले जानकारी दिए । प्रहरीले बालक हराएको स्थान आसपासका क्षेत्र, सडक तथा सम्भावित स्थानमा खोजी गरिरहेको छ ।
प्रहरीले बालकको अवस्थाबारे कुनै सूचना प्राप्त भए तत्काल नजिकको प्रहरी कार्यालय वा जिल्ला प्रहरी कार्यालय धनुषामा खबर गर्न सर्वसाधारणसँग आग्रह गरेको छ ।
© 2026 All right reserved to khabarcnter.com | Site By : Sobij
