२०८३ आश्विन ३० गते शुक्रवार
२०८३ आश्विन ३० गते शुक्रवार
.gif)
काठमाडौं । रसुवाको भोटेकोशीमा आएको बाढीबाट प्रभावित रसुवागढी जलविद्युत् आयोजना (आरएचपीएल) को सुरुङमा गरिएको खोजीबाट कुनै पनि मानिस फेला नपरेपछि नेपाली सेनाको उद्धार टोली फर्किएको छ ।
प्रधानमन्त्री बालेन शाहको सचिवालयका अनुसार सुरुङभित्र मानिसहरू फसेको आशंकापछि नेपाली सेनाको नेतृत्वमा इन्जिनियर तथा ड्रोन टोलीसहित खोजी अभियान सञ्चालन गरिएको थियो ।
उद्धार टोलीले सुरुङको भित्री भागको अन्तिम बिन्दुसम्म पुगेर खोजी गरेको थियो । साथै, सुरुङभित्र ड्रोनसमेत उडाएर अवस्था निरीक्षण गरिएको थियो । तर, खोजीका क्रममा मानवीय उपस्थिति फेला नपरेको प्रधानमन्त्रीको सचिवालयले जनाएको छ ।
सुरुङको अन्तिम भागमा मानिसहरू फसेको आशंका गरिएपछि सेनाको टोलीले जोखिम मोलेर सुरुङभित्र प्रवेश गरी खोजी थालेको थियो । टोलीले सम्पूर्ण सुरुङ क्षेत्रमा खोजी गरे पनि कोही व्यक्ति फेला नपरेपछि उद्धार अभियान तत्कालका लागि टुंगिएको हो ।
मानिस नरहेको पुष्टि भएपछि नेपाली सेनाको टोली आयोजनास्थलबाट रसुवाको धुन्चे फर्किएको प्रधानमन्त्रीको सचिवालयले जानकारी दिएको छ ।
© 2026 All right reserved to khabarcnter.com | Site By : Sobij
