२०८३ आश्विन ३० गते शुक्रवार
२०८३ आश्विन ३० गते शुक्रवार
.gif)
काठमाडौं । बुधबार रसुवाको भोटेकोशी हुँदै त्रिशूली नदीमा आएको भीषण बाढीमा परी ठूलो जनधनको क्षति भएको छ । नेपाल प्रहरीले दिएको पछिल्लो विवरणअनुसार बाढीमा परी अहिलेसम्म ४८९ जनाको शव फेला परेको छ ।
फेला परेका शवमध्ये ३९३ जनाको अझै सनाखत हुन सकेको छैन । बाढीले बगाएर ल्याएका शवहरू विभिन्न जिल्लाका नदी तटीय क्षेत्रमा भेटिएका हुन् ।
प्रहरीका अनुसार रसुवा, धादिङ, नुवाकोट, चितवन, तनहुँ, गोरखा, नवलपरासी पूर्व र पश्चिम नवलपरासीमा शव फेला परेका छन् ।
फेला परेका शवहरू सम्बन्धित जिल्लासँगै काठमाडौं, पोखरा, पाल्पा, रुपन्देही र कपिलवस्तुमा राखिएको प्रहरीले जनाएको छ ।
बाढीपछि नदी तटीय क्षेत्रमा खोजी तथा उद्धार कार्य जारी छ । सुरक्षाकर्मीहरूले बेपत्ता व्यक्तिको खोजी तथा नदीले बगाएर ल्याएका शव संकलन गर्ने कामलाई निरन्तरता दिएका छन् । पछिल्लो बाढीसम्बन्धी विवरणहरूमा पनि विभिन्न नदी तटीय क्षेत्रमा शव फेला पर्ने क्रम जारी रहेको देखिन्छ ।
© 2026 All right reserved to khabarcnter.com | Site By : Sobij
