२०८३ कार्तिक २ गते आइतवार
२०८३ कार्तिक २ गते आइतवार
.gif)
काठमाडौं । राष्ट्रिय स्वतन्त्र पार्टी (रास्वपा) का महामन्त्री पदका उम्मेदवार मनिष झाले पार्टीभित्र गुटबन्दीको प्रयास भएको भन्दै त्यसमा संलग्नहरूलाई कारबाही गर्न माग गरेका छन्। चितवनको भरतपुरमा जारी महाधिवेशनका क्रममा शुक्रबार सञ्चारकर्मीहरूसँग कुरा गर्दै झाले पार्टीको स्थापित सिद्धान्तविपरीत समूहगत अभ्यास भइरहेको आरोप लगाएका हुन्।
उनले यो विषयमा पार्टी सभापति रवि लामिछानेको ध्यानाकर्षण समेत गराएका छन्।"जे गर्नु हुँदैन भनेर भनिन्छ, त्यही हुँदा नराम्रो हो," झा भन्छन्, "डेमोक्रेटिक प्रोसेस (प्रजातान्त्रिक प्रक्रिया) मा समूहगत अभ्यास गर्नुभयो, त्यो हाम्रो नेताको अभिव्यक्ति विपरीत हो।"महाधिवेशनमा संस्थापन पक्ष नै गुटबन्दीमा लागेको संकेत गर्दै झाले सभापति लामिछानेलाई कडा कदम चाल्न आग्रह गरे।
उनले भने, "संस्थापन पक्ष एकजुट हुनुभयो भने म यहीँबाट आदरणीय रवि लामिछानेज्यूलाई अनुरोध गर्छु– यो गुटबन्दीको प्रयास गर्नेहरूलाई कारबाही गर्दिनुस् न। "रास्वपाको नयाँ नेतृत्व चयनका लागि मतदान भइरहेका बेला महामन्त्रीका दाबेदार झाले नै गुटबन्दीको कुरा उठाएपछि महाधिवेशनको माहौल थप तातेको छ।
© 2026 All right reserved to khabarcnter.com | Site By : Sobij
