२०८३ बैशाख २० गते आइतवार
२०८३ बैशाख २० गते आइतवार
काठमाडौं । काठमाडौं सोह्रखुट्टेस्थित एन्ड्रीज क्याफेमा शनिबार भएको मिलनबस्ती सेवा समाज काठमाडौंको दोस्रो अधिवेशनले चन्द्रमान श्रेष्ठको अध्यक्षतामा नयाँ कार्यसमिति सर्वसम्मत चयन गरेको छ ।
नयाँ कार्यसमितिको उपाध्यक्षमा शान्ति लामा श्रेष्ठ, महासचिबमा रक्तिम किरण श्रेष्ठ, सचिबमा इश्वर श्रेष्ठ, कोषाध्यक्षमा बिनोद श्रेष्ठ चयन भएको छ । समाजको सदस्यहरुमा भिमसेन बाबु श्रेष्ठ, रस्किन श्रेष्ठ, नारायण श्रेष्ठ, तिलक पाण्डे, सुदर्शन श्रेष्ठ, सुबास श्रेष्ठ, बिपिन श्रेष्ठ, सन्तकुमार श्रेष्ठ, सञ्जय श्रेष्ठ र कुमार श्रेष्ठ चयन भएको हो ।
समाजको अग्रसरतामा गोरखाको भिमसेनथापा ५ बगुवामा २०७२ सालको भूकम्प पश्चात १३५ घरलाई स्थानान्तरण गरी एकीकृत मिलनवस्ती लगभग सम्पन्न हुने चरणमा छ ।
समाजका अध्यक्ष गणेशमान श्रेष्ठको साभापतित्व र सल्लाहकार डा. जगतकुमार श्रेष्ठको प्रमुख आतिथ्यतामा सम्पन्न भएको कार्यक्रममा समाजका सल्लाहकार तथा बस्ती निर्माणमा अग्रणी भूमिका खेलेका रामहरी श्रेष्ठले बस्तीलाई छिट्टै सम्पन्न गरी उद्घाटन गर्ने बताएका छन् ।
उक्त कार्यक्रमका सञ्चालक तथा एकीकृत मिलनबस्ती पूननिर्माण बिकास समितिका अध्यक्ष सुकुमार श्रेष्ठले अब केही घरहरु मात्रै सम्पन्न हुन बाँकी रहेकोले मिलनबस्ती सेवा समाज र पूननिर्माण विकास समितिको सहकार्यमा बस्ती सम्पन्न हुने बताए।
© 2026 All right reserved to khabarcnter.com | Site By : Sobij
