२०८३ बैशाख १० गते बिहिवार
काठमाडौं । बिहीबार सुदूरपश्चिम र लुम्बिनीका तराईका जिल्लाहरूमा तातो लहर वा तातो दिन हुने सम्भावना रहेको मौसम पूर्वानुमान महाशाखाले जानकारी दिएको छ।
हाल नेपालमा पश्चिमी र स्थानीय वायुको आंशिक प्रभाव रहेको छ। जसले गर्दा देशभर गर्मी बढ्ने देखिन्छ।
आज दिपायल, धनगढी, नेपालगन्ज, घोराही, भैरहवा, जनकपुर लगायत क्षेत्रमा तातो हावाको लहर चल्ने सम्भावना रहेको छ । यी जिल्लाको अधिकतम तापक्रम ४२ डिग्री सेल्सियससम्म पुग्ने अनुमान गरिएको छ ।
जल तथा मौसम विज्ञान विभागले तातो लहरले स्वास्थ्यमा असर पर्ने भएकाले घामबाट जोगिन र अत्यावश्यक नपरी घर बाहिर ननिस्किन सुझाव दिएको छ ।

© 2026 All right reserved to khabarcnter.com | Site By : Sobij