२०८३ बैशाख ८ गते मंगलवार
२०८३ बैशाख ८ गते मंगलवार
काठमाडौं । श्रम संस्कृति पार्टीका अध्यक्ष हर्कराज राईले सरकारले नागरिकलाई धरपकड गरेकोमा आपत्ति जनाएका छन्। सरकारले गरिखाने नागरिकलाई विकल्प नदिई घाँटीमा न्याँक्ने, घोक्रयाँई मुन्ट्याँई गर्ने गरेको देखिएको भन्दै उनले आक्रोश व्यक्त गरेका हुन्् ।
मंगलबार काठमाडौंमा आयोजित पत्रकार सम्मेलनमा बोल्दै अध्यक्ष राईले नागरिकको गाँस, बास र कपासजस्तो आधारभुत आवश्यकता पूर्ति हुनेगरी सडकमा गरेको व्यवसायलाई विकल्प नदिई हटाउने कुरा उचित नभएको बताएका छन्। सरकारले गाँसका लागि सडकमा व्यवसाय गरिरहेकाहरुलाई धरपक्कड गर्ने कुराले मुलुकमा चोरी, लुटपाट र ठगी लगायतका अपराधका घटनाहरुलाई बढावा दिने अध्यक्ष राईको भनाई थियो ।
उनले भने,‘ म सरकारलाई सल्लाह दिन चाहन्छु-त्यो नागरिकलाई घाँटीमा न्याँकेको देखिन्छ, कहिले व्यवसायीलाई घोक्र्याई मुन्ट्याँई गरेको देखिन्छ । त्यो केन्द्र सरकारले ग¥यो वा प्रदेश सरकारले ग¥यो वा स्थानीय सरकारले ग¥यो रु जसले गरेपनि त्यो त केन्द्र सरकारको मातहतमा रहन्छ नि सबै कुरा । त्यो चाँही राम्रो देखिएन । त्यसो नगरौ भन्ने सल्लाह दिन्छु म चाहीँ । सबभन्दा पहिलो अधिकार चाँही मान्छेको मात खाने हुन्छ । हाम्रो बेसिक निड भन्छौँ नि त्यसमा गाँस, बास र कपास पर्दछ । अव भात खानका लागि मानिसहरुले व्यवसाय गरिराखेको हुन्छ । कि त्यसलाई विकल्प दिनुप¥यो । त्यही भएको कारणले गर्दा यो चोरी, लुटपाट, ठगीलगायतका कुराहरु मौलाएर जान्छ क्या । अब सडकमा सानो दोकान गरेर उसले खान खोजिराखेको हुन्छ । दोकान राख्न नदिएपछि के गर्छ त रु भरे भोक त लाग्छ फेरि । भोक लागेपछि सरकारले यस्तो नियम लागू गरेको थियो भनेर त मान्दैन पेटले त । त्यसपछि मानिस अपराधिक गतिविधिमा संलग्न हुन जान्छ । त्यसले गर्दा सरकारले धेरै सोचेर अघि बढ्नुपर्दछ ।’
अध्यक्ष राईले सरकारले हरेक गतिविधिलाई अघि बढाउँदा धेरै सोचेर मात्रै अघि बढ्दा उपयुक्त हुने सुझाव पनि दिएका छन्।
© 2026 All right reserved to khabarcnter.com | Site By : Sobij
