२०८३ बैशाख ६ गते आइतवार
२०८३ बैशाख ६ गते आइतवार
काठमाडौं । सार्वजनिक खरिद अनुगमन कार्यालय (पीपीएमओ) को वेबसाइट ह्याक गरेर प्रणालीमाथि नै छेडखानी गरेको आरोपमा पक्राउ परेका ६ जनाको विवरण सीआईबीले सार्वजनिक गरेको छ ।
पक्राउ परेका व्यक्तिहरूको पृष्ठभूमि हेर्दा गिरोहमा प्राविधिक ज्ञान भएका व्यक्तिदेखि व्यापारिक पृष्ठभूमिका व्यक्तिहरूको समेत संलग्नता देखिएको छ ।
पक्राउ पर्नेहरूमा धनकुटा पाख्रिबासका दिवाकर देउजा, बझाङ दुर्गाथलीका भरत धामी, तनहुँ बन्दीपुरका संजय भट्ट, काठमाडौंको बानेश्वरका भाष्करराज अर्याल, मकवानपुरका सागर कटुवाल र सुनसरी दुहबीका जीवन कुमार दास थिए ।
केन्द्रीय अनुसन्धान ब्युरो (सीआईबी)का प्रमुख प्रहरी अतिरिक्त महानिरीक्षक (एआईजी) डा. मनोज केसीका अनुसार उल्लेखित ६ जनालाई पक्राउ गर्न मात्रै झण्डै एक महिना लागेको बताएका छन् । ह्याकिङको आरोपमा सबैभन्दा पहिले दिवाकर देउजा फागुन २८ गते नै पक्राउ परेका थिए । सरकारी कर्मचारी रहेका उनी पाँच वर्षअघि नेपाल टेलिकमको सिस्टम ह्याक गरेको आरोपमा समेत पक्राउ परेर छुटेका व्यक्ति हुन् ।
अन्तिमपटक चैत २३ गते सीआईबी र साइबर ब्युरोको टोलीले जीवन कुमार दासलाई पक्राउ गरेको एक सातापछि यो विवरण सार्वजनिक गरेको थियो ।
यो प्रकरणमा पक्राउ परेका सागर कटुवाल मकवानपुर उद्योग वाणिज्य संघका वरिष्ठ उपाध्यक्ष हुन् । उनीभन्दा सीआइबीले चार ठुला ठेक्का ह्याक गरी कब्जा गरेको प्रकरणमा केही निर्माण व्यवसायीलाई पक्राउ गरिसकेको थियो ।
यो विषयमा कैयौँ ठेकेदार कम्पनीको संलग्नता देखिएको भए पनि अनुसन्धानकै क्रममा रहेका र अहिले नै विवरण सार्वजनिक गर्दा असर गर्ने भएकोले एआईजी डा. केसी बताएका छन् ।
© 2026 All right reserved to khabarcnter.com | Site By : Sobij
