२०८२ भाद्र ६ गते शुक्रवार
२०८२ भाद्र ६ गते शुक्रवार
संसारकै अग्रणी अनलाइन कम्पनी अमेजनका संस्थापक जेफ बेजोसको एरोस्पेस कम्पनी ‘ब्लू ओरिजिन’ले पहिलो पटक महिलालाई चन्द्रमा लैजाने तयारी गरिरहेको छ ।
एरोस्पेसले पहिलो महिला अन्तरिक्ष यात्रीलाई चन्द्रमा लैजाने रकेट इन्जिनको परीक्षण धमाधम अघि बढाइरहेको टेक हिन्दुस्तानले बताएको छ ।
यसैबीच जेफ बेजोसले आफ्नो इन्स्टाग्राम अकाउन्टमा सो रकेट इन्जिनको सानो झलक देखाउने एक भिडिओ पोस्ट गरेका छन् ।
संसारकै धनाढ्य शुक्रबार बेजोसले सार्वजनिक गरेका भिडिओमा रकेट इन्जिनबाट आगोको ज्वाला निस्किरहेको देखिन्छ। यो भिडिओ अलबामास्थित हन्ट्सभिलमा नासाको अन्तरिक्ष उडान केन्द्रमा चलिरहेको परीक्षणको क्रममा खिचिएको थियो ।
भिडिओको तल बेजोसले क्याप्सनमा लेखेका छन्, "यस ‘बिइ–७’ इन्जिनले पहिलो पटक महिलालाई चन्द्रमामा लानेछ ।" उनका अनुसार यो इन्जिन दि हजार पाउन्ड फोर्सका साथ निर्माण गरिएको हो र यो चन्द्रमामा दुई हजार पाउन्ड फोर्स सम्मको गहिराइमा जान सक्छ । यसमा भएको फोर्सले गर्दा इन्जिन गुरुत्वाकर्षण शक्तिबाट केही असर नभई चन्द्रमामा अवतरण गर्न सक्छ ।
बेजोसको ब्लू ओरिजिन कम्पनीले नासाको मानव ल्यान्डिङ प्रणाली (एचएलएस)का लागि ‘बिइ–७’ इन्जिन बनाइरहेको हो । सन् २०२४ सम्म मान्छेलाई चन्द्रमा पुर्याउने नासाको ‘अर्टेमिस प्रोगाम’ अन्तर्गत यो काम भइरहेको छ । ब्लू ओरिजिनले चन्द्रमा अवतरण प्रणाली तयार गर्न गत वर्षदेखि नासासँग सहकार्य गरिरहेको हो । एजेन्सी
© 2025 All right reserved to khabarcnter.com | Site By : Sobij
