२०८२ फाल्गुण ३० गते शनिवार
२०८२ फाल्गुण ३० गते शनिवार
काठमाडौं । पूर्वी नेपालको प्रतिष्ठित आतिथ्य सत्कार उद्मोग प्रति समर्पित मोरङ प्रदेशको विराटचोक, नेपालमा अवस्थिते नेपालीरिका होटेल लिमिटेडले सर्वसाधारणका लागि जारी गरिने रु.१०० अंकित दरका ५०,००,००० कित्ताले हुन आउने रु.५०,००,००,००० रकम बराबरको साधारण शेयर निष्काशन गर्न निष्काशन तथा बिक्री प्रबन्धकमा लक्ष्मी सनराइज क्यापिटल लिमिटेडलाई नियुक्त गरेकोे छ ।
उक्त शेयर निष्काशनका लागि नेपालीरिका होटेल लिमिटेडको तर्फवाट अध्यक्ष श्री भोलेश्वर दुलाल तथा लक्ष्मी सनराइज क्यापिटल लिमिटेडका तर्फवाट प्रमुख कार्यकारी अधिकृत श्री बिजय लाल श्रेष्ठका बीच लक्ष्मी सन्राइज क्यापिटल लिमिटेड, नयाँ बानेश्वर, काठमाडौंमा मिति २०८२ माघ २९ गते द्विपक्षिय सम्झौता पत्रमा हस्ताक्षर गरी निकट भविष्यमा उक्त साधारण शेयर निष्काशन गरिने सम्झौता गरेको छ ।
नेपालीरिका होटेल लिमिटेडको यो कदमले विकास, कम्पनीको पारदर्शिताका साथै नेपालको आतिथ्य उद्योग तथा पर्यटन विकास, विशेष गरी मोरङ प्रदेशमा लगानी अवसरहरूको विस्तारमा प्रतिबद्धता प्रतिबिम्बित गर्दछ ।
पूर्वी नेपालमा अवस्थित विराटचोकमा रहेको नेपालीरिका होटलले १४६ वटा सुन्दर ढंगले सजाइएको कोठा र सुइटहरू प्रदान गर्दछ । यो लक्जरी सम्पत्तिमा विशाल बहु–स्थल क्षेत्रहरू छन् जुन सपनाको विवाह र परिष्कृत सम्मेलनहरू आयोजना गर्न आदर्श छन्, बारम्बार कर्पोरेट कार्यक्रमहरूको आवश्यकताहरू पूरा गर्न पूर्ण रूपमा सुसज्जित छन्।
दमकस्थित नेपालीरिका होटलमा ३९ वटा राम्ररी सजिएका कोठा र सुइटहरू, रेस्टुरेन्ट र बारहरू छन् जुन परम्परागत नेपाली वास्तुकलामा निर्मित हेरिटेज ब्लकमा अवस्थित छ। होटलले ५० देखि १५०० व्यक्तिको लागि भोज र सम्मेलन र स्विमिंग पूल पनि प्रदान गर्दछ।
© 2026 All right reserved to khabarcnter.com | Site By : Sobij
