२०८२ माघ ९ गते शुक्रवार
२०८२ माघ ९ गते शुक्रवार
काठमाडौं । पूर्वराजा ज्ञानेन्द्र शाहको ‘भान्जा हुँ’ भनेर ठग्ने अनुप कुमार सिंहलाई प्रहरीले पक्राउ गरेको छ । सिंह भारत भाग्दै गरेको अवस्थामा झापाको धुलाबारीबाट प्रहरीले पक्राउ गरेका हुन् । सिंहसँगै उनका साथि लड्डु श्रेष्ठ पनि पक्राउ परेका छन् ।
ठगी गरेको आरोपमा सिंहलाई झापाबाट पक्राउ गरेर काठमाडौं ल्याइएको उपत्यका अपराध अनुसन्धान कार्यालयका एसपी काजीकुमार आचार्यले बताएका छन् ।
बेलायतमा पूर्व राजपरिवारको लगानीमा ड्रिमल्याण्ड नामको होटल सञ्चालनमा आउन लागेको भन्दै सिंहले सिन्धुली घ्याङलेकका ५० जना भन्दा धेरैलाई ठगेको आरोप छ । आफूलाई मनोज कुमार भनेर चिनाउने सिंह यसअघि पनि ठगी मुद्दामा पक्राउ परेर २०८१ चैत १ मा जेल चलान भएका थिए । जेलबाट छुटेपछि उनले फेरि ठगी धन्दा सुरु गरेको अनुसन्धानबाट थाहा भएको एसपी आचार्यले बताएका छन् ।
आरोपीहरू विरुद्ध अदालतबाट ५ दिनको म्याद लिएर प्रहरीले अनुसन्धान सुरु गरेको छ । अहिलेसम्म सिंह र उनका सहयोगी श्रेष्ठविरुद्ध ४ करोड ठगेको उजुरी आएको आचार्यले जानकारी दिएका छन् ।
© 2026 All right reserved to khabarcnter.com | Site By : Sobij
