२०८२ कार्तिक २७ गते बिहिवार
२०८२ कार्तिक २७ गते बिहिवार
काठमाडौं । मधेश प्रदेशका नवनियुक्त मुख्यमन्त्री सरोज कुमार यादव चढ्ने गाडी दुर्घटनामा परेको छ । गाडीमा मुख्यमन्त्री यादव सवार भएरनभएको खुलेको छैन ।
मधेश प्रदेश ०२००१ झ ०२६८ नम्बरको सेतो स्कोरपियोले मगंलबार राति साढे ९ बजे महोत्तरी बर्दिबास नगरपालिका माइस्थान इलाकामा रहेको बागे पुल नजिक बागमती ०३००१ ख ३६६३ शिव शक्ति यात्रुबाहक बसलाई ठक्कर दिएको हो । महोत्तरी जिल्ला प्रहरी कार्यालयका प्रहरी प्रवक्ता डिएसपी टिका बरालका अनुसार तीब्र गतिका कारण बसलाई सरकारी नम्बर प्लेटको स्कारपियोले ठक्कर दिएको प्रारम्भिक अनुसन्धानबाट खुलेको छ । दुर्घटनामा बसको पछाडिको भाग र स्कारपियो अगाडि भाग कुच्चिएको उनले जानकारी दिए ।
गाडी कहाँ र के प्रयोजनका लागि गइरहेको थियो भन्ने खुलेको छैन । गाडी मधेश सरकार भौतिक पूर्वाधार तथा विकास मन्त्रालयको रहेको नेपालले प्रेसले पुष्टि गरेको छ । सो मन्त्रालयको गाडी पटक–पटक दुरुपयोग हुने गरेको स्रोतले बतायो ।
मन्त्रालय नै बेखबर
निवर्तमान मुख्यमन्त्री जितेन्द्र सोनार सोनलले मुख्यमन्त्री यादव अवैधानिक रहेको भनेर गाडी र क्वाटर छोडेका छैनन् । त्यसैले मुख्यमन्त्री यादव पहिलेकै गाडी प्रयोग गर्दै आइरहेका छन् ।
सो गाडी महोत्तरी सम्सी नगरपालिकाका ०४ बस्ने मोहम्मद मोम्ताज खानले चलाएको प्रहरीको भनाइ छ । सरकारी गाडी दुर्घटनामा परेको दुई दिन बितिसक्दा पनि सम्वन्धित मन्त्रालय बेखर रहेको पाइयो ।
भौतिक पूर्वाधार तथा विकास मन्त्रालयका स्टोर प्रमुख केवल दासलाई मगंलबार राति यस विषयमा नेपाल प्रेसले जिज्ञासा राख्दा उनले थाहा नपाएको जवाफ दिए ।
© 2025 All right reserved to khabarcnter.com | Site By : Sobij
