२०८२ कार्तिक २६ गते बुधवार
२०८२ कार्तिक २६ गते बुधवार
काठमाडौं । सङ्घीय मामिला तथा सामान्य प्रशासन मन्त्रालयले १२ उपसचिवको सरुवा गर्दा ४ जनालाई जगेडामा राखेको छ । सचिव रविलाल पन्थस्तरीय निर्णयबाट मङ्गलवार १२ उपसचिव सरुवा गर्दा ४ जनालाई मन्त्रालयको अतिरिक्त समूह (जगेडा) मा राखिएको हो ।
राजश्व अनुसन्धान कार्यालय बुटवलमा कार्यरत विवेक घिमिरे, दुधौली नगरपालिका सिन्धुलीमा कार्यरत दिनेशराज पन्त, जिल्ला समन्वय समिति पाल्पामा कार्यरत मुकुन्द शर्मा र बोधीमाई नगरपालिका रौतहटमा कार्यरत डिल्लीराज श्रेष्ठलाई मन्त्रालयमा तानेर जगेडामा राखिएको मन्त्रालयले जारी गरेको सूचनामा उल्लेख छ । मन्त्रालय निकट स्रोतका अनुसार उनीहरूको काम गर्ने सिलसिलामा खोट देखिएकाले तत्कालका लागि अतिरिक्त समूहमा राखिएको हो ।
मन्त्रालयले मङ्गलवार नै १२ उपसचिवसँगै ३१ शाखा अधिकृतको पनि सरुवा गरेको छ । सरुवा भएका ३१ शाखा अधिकृतमध्ये कटहरी गाउँपालिका मोरङका तेजिन्द्र गौतम पनि मन्त्रालयको जगेडामा तानिएका सूचनामा उल्लेख छ ।
© 2025 All right reserved to khabarcnter.com | Site By : Sobij
