२०८२ माघ १० गते शनिवार
२०८२ माघ १० गते शनिवार
काठमाडौं । जेनजी आन्दोलनका क्रममा आगलागी भएको नक्सालस्थित भाटभटेनी सुपरस्टोर भत्काउने क्रममा केही मजदुर पुरिएका छन्।
जिल्ला प्रहरी परिसर काठमाडौंका प्रवक्ता एसपी पवन भट्टराईका अनुसार दिउँसो करिब ३ बजेर ४० मिनेटमा मजदुर पुरिएको खबर प्रहरीलाई प्राप्त भएको हो। स्थानीयवासीले एक जनाको उद्धार गरी सकेका थिए भने प्रहरी टोली पुगेपछि थप दुई जनालाई उद्धार गरी उपचारका लागि शिक्षण अस्पताल, महाराजगञ्ज पठाइएको छ।
भत्किएको संरचनाभित्र अझै एक पुरुष फँसेको अनुमान गरिएको छ।“एक जनाको आवाज सुन्न सकिएको छ, स्थानीय र प्रहरीको संयुक्त टोली उद्धार कार्यमा जुटिरहेको छ,” एसपी भट्टराईले जानकारी दिए।
© 2026 All right reserved to khabarcnter.com | Site By : Sobij
