२०८२ कार्तिक १९ गते बुधवार
२०८२ कार्तिक १९ गते बुधवार
काठमाडौं । रास्वपा सभापति रवि लामिछानेलाई भेट्न पुगेकी भनिएकी पत्नी निकिता पौडेल उनलाई नभेटी फर्किएकी छन् ।
जेनजी आन्दोलनका घटना जाँचबुझ आयोगले बयानका निम्ति लामिछानेलाई दिउँसो सिंहदरबार झिकाएको थियो । त्यही बेला पुगेकी पत्नी निकिता एकैछिनमा फर्किएकी थिइन् ।
तर, समाचारमा चर्चा गरिएजस्तो लामिछानेसँग भेट्न नभएर केही कागजातका सक्कल प्रति आयोगलाई बुझाउनुपर्ने कारण आफू त्यहाँ पुगेको उनले बताइन् । सिंहदरबारबाट बाहिरिएपछि उनले भनिन्, ‘उहाँसँग आयोगका पदाधिकारीहरुले भित्र कुराकानी गरिरहनुभएको थियो, म बाहिरबाटै फर्किएँ, कुराकानी हुन पाएन ।’
जेनजी आन्दोलनका क्रममा भदौ २४ गते लामिछाने जेलबाट बाहिरिएको घटनालाई गहिरो अनुसन्धान गरिरहेको जाँचबुझ आयोगले यसअघि आइतबार नख्खु कारागारमै गएर उनीसँग भेटेको थियो । उक्त भेट सामान्य रहेको आयोगका प्रवक्ता तथा पूर्वप्रहरी एआईजी विज्ञानराज शर्माले बताएका थिए ।
© 2025 All right reserved to khabarcnter.com | Site By : Sobij
