२०८२ माघ १६ गते शुक्रवार
२०८२ माघ १६ गते शुक्रवार
काठमाडौं । प्रतिनिधिसभा बैठक १० दिनका लागि स्थगित भएको छ । शुक्रबार बसेको प्रतिनिधिसभा बैठक अब साउन १९ गते दिनको एक बजे बस्ने गरी स्थगित गरिएको हो । सभामुख देवराज घिमिरेले बैठक साउन १९ गते दिनको एक बजेसम्मका लागि स्थगित गरेका हुन् ।
शुक्रबार बसेको बैठकले राष्ट्रियसभामा उत्पत्ति भएको तिलगंगा नेत्र विश्वविद्यालय विधेयक २०८१ माथि विचार गरियोस् भन्ने प्रस्ताव स्वीकृत गरेको छ । त्यस्तै बैठकले सङ्घीय निजामती सेवा विधेयक, २०८० को प्रतिवेदनमा त्रुटि भएको भन्ने सम्बन्धमा गठित संसदीय छानबिन विशेष समितिको कार्यविधि ७ दिन थप्ने प्रस्ताव पारित गरेको छ ।
समितिको म्याद आइतबारसम्म थियो । त्यसपछि ७ दिनको लागि म्याद थपिएको हो ।
त्यस्तै सभामा प्रतिनिधित्व गर्ने कांग्रेसका ४ सांसदको विषयगत समिति हेरफेर पनि गरिएको छ । सभामुख घिमिरेले पेस गरेको कांग्रेसबाट प्रतिनिधित्व गर्ने दिक्पालकुमार शाही, विष्णुकमार कार्की, प्रतिमा गौतम र आशा विकको विषयगत समिति हेरफेर गर्ने प्रस्ताव सभाले सर्वसम्मतिले स्वीकृत ग¥यो ।
अब शाही कृषि सहकारी तथा प्राकृतिक स्रोत समितिबाट महिला तथा सामाजिक मामिला समितिमा, कार्की कृषि सहकारी तथा प्राकृतिक स्रोत समितिबाट पूर्वाधार विकास समितिमा, गौतम पूर्वाधार विकास समितिबाट कृषि सहकारी तथा प्राकृतिक स्रोत समितिमा र आशा बिक महिला तथा सामाजिक मामिला समितिबाट कृषि सहकारी तथा प्राकृतिक स्रोत समितिमा पुगेका छन् ।
© 2026 All right reserved to khabarcnter.com | Site By : Sobij
