२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । वाणिज्य आपूर्ति तथा उपभोक्ता संरक्षण विभागले चार वटा व्यापारिक फर्मलाई जरिवाना गरेको छ । विभागले उक्त व्यापारिक फर्मलाई ६ लाख २५ हजार रुपैयाँ जरिवाना गरेको छ ।
वस्तुमा मूल्य र नापतौल हेरफेर गरेको पाइएपछि सो जरिवाना गरिएको विभागको भनाइ रहेको छ ।
ड्राइफ्रुट लगायतका खाद्य वस्तुमा रिलेबलिङ गरेको गुणस्तर परिमाण मूल्य नापतौलमा हेरफेर गरेपछि २ लाख ५ हजार रुपैयाँ जरिवाना गरिएको विभागका निरीक्षण अधिकृत अमितकुमार झाले बताएका छन् । कागजातसहित ३ दिनभित्र विभागमा उपस्थित हुन समेत निर्देशन दिइएको हो।
वस्तुमा रिलेबलिङ गरेको गुणस्तर परिमाण मूल्य नापतौलमा हेरफेर गरेपछि स्वयम्भूस्थित मणिक गंगा इन्टरप्राइजेजलाई पनि २ लाख पाँच हजार रुपैयाँ, युनाइटेड ट्रेडर्स सिण्डिकेट प्रालि लाई २ लाख रुपैयाँ, सुर्तीजन्य पसल श्रीपा स्टोरलाई सहयोग नगरेको भन्दै १५ हजार रुपैयाँ जरिवाना गरिएको छ ।
आइतबार विभागको निरीक्षण टोलीले ९ वटा व्यापारिक फर्ममा अनुगमन गरी कारबाहीको दायरामा ल्याएको छ ।
© 2025 All right reserved to khabarcnter.com | Site By : Sobij
