२०८२ भाद्र २ गते सोमवार
२०८२ भाद्र २ गते सोमवार
काठमाडौं । चालु आर्थिक वर्षको तेस्रो त्रैमासमा गरिमा विकास बैंकको खुद नाफा ७.३२ प्रतिशतले बढेर ७३ करोड ३४ लाख रुपैयाँ पुगेको छ । गत वर्षको अवधिमा बैंकले ६८ करोड ३४ लाख रुपैयाँ नाफा कमाएको थियो ।
बैंकको खुद ब्याज आम्दानी ६.०४ प्रतिशत र सञ्चालन नाफा ७.५२ प्रतिशतले वृद्धि भएको छ । गत वर्ष २ अर्ब ५१ करोड रुपैयाँ खुद ब्याज आम्दानी गरेको बैंकले यस वर्ष बढेर २ अर्ब ६६ करोड पुगेको छ ।
बैंकको चुक्ता पुँजी ५ अर्ब ६८ करोड रुपैयाँ र जगेडा कोषमा २ अर्ब ६८ करोड रुपैयाँ छ भने बैंकको प्रतिसेयर आम्दानी १ रुपैयाँ १८ पैसाले बढेर १७ रुपैयाँ २२ पैसामा पुगेको छ ।
प्रतिसेयर नेटवर्थ १५३ रुपैयाँ ४७ पैसा रहेको छ । सञ्चालन नाफा ९७ करोड रुपैयाँबाट बढाएर १ अर्ब ४ करोड रुपैयाँमा पुगेको छ भने बैंकको खराब कर्जा २.९७ प्रतिशतबाट बढेर ४.७८ प्रतिशत भएको छ ।
© 2025 All right reserved to khabarcnter.com | Site By : Sobij
