२०८२ भाद्र २४ गते मंगलवार
२०८२ भाद्र २४ गते मंगलवार
काठमाडौं । अमेरिकाको लस एन्जलसको जङ्गलमा लागेको आगो लगातार फैलिरहेको छ । आगो फैलिएर नयाँ क्षेत्र भेन्टुरा काउन्टीमा पुगेको छ । आगलागीबाट मृत्यु हूनेको सङ्ख्या बढेर सात जना पुगेको छ ।
लस एन्जलसको फायर डिपार्टमेन्टका प्रमुख क्रिस्टन क्राउलीले पालिसेड्समा भएको आगलागीमा परी दुई जनाको मृत्यु भएको जानकारी दिनुभयो । यसअघि इटनमा आगलागीका कारण पाँच जनाको मृत्यु भएको थियो । आगलागीमा मृत्यु हूनेको सङ्ख्या अझै बढ्ने अनुमान रहेको बीबीसीले जनाएको छ ।
लस एन्जलसका मेयर करेन बासले पश्चिमी पहाडमा पनि आगलागी शुरू भएको र तीव्र हावाका कारण यो आगो तीव्र गतिमा फैलिएर अन्य विभिन्न क्षेत्रमा पुग्ने बताउनुभएको छ । उहाँले प्रशासनको आदेशको पालना गरी प्रभावित क्षेत्र खाली गर्न नागरिकलाई आग्रह गर्नुभएको खबरमा उल्लेख छ ।
© 2025 All right reserved to khabarcnter.com | Site By : Sobij
