२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । संसारकै पाको चराका रूपमा चिनिएको समुद्री पंक्षीले ७४ वर्षको उमेरमा फुल पारेको अमेरिकी विज्ञहरूले बताएका छन्।
विस्डम नाम दिइएको सो अल्बाट्रस आफ्नो पछिल्लो जोडीसँगै प्रशान्त महासागरस्थित मिडवे अटल नेसनल वाइल्डलाइफ रिफ्युजमा अण्डा कोरलिरहेको देखिएको उनीहरूको भनाइ छ।
यो प्रजातिका चरा प्रायः १२ देखि ४० वर्षबीच मात्र बाँच्दछन्। तर, विस्डमलाई १९५६ मा ट्याग लगाइएको थियो। जतिबेला यो चरा पाँच वर्षको थियो।
उसको पछिल्लो चल्ला २०२१ मा जन्मिएको थियो। आफ्नो जीवनकालमा उसले ३० वटाभन्दा बढी चल्ला हुर्काएको अनुमान छ। यो वर्ष विस्डमले नयाँ जोडी खोजेको यूएस फिस एन्ड वाइल्डलाइफ सर्भिसले जनाएको छ। उसको पुरानो जोडी कयौँ वर्षदेखि देखिएको छैन।
यो प्रजातिको चरा जीवनभर एउटै जोडीसँग बस्ने गर्छ। तर, विस्डमका कम्तीमा तीनवटा जोडी मरिसकेका छन्। चरा विज्ञ जोन प्लिस्नरले अरु कुनै पनि चरा ४५ वर्षभन्दा बढी बाँचेको हालसम्म थाहा नभएको बताएका छन्।
विस्डममा अझै पनि अर्को चल्ला हुर्काउने उर्जा र अन्तज्र्ञान देखिएको उनको भनाइ छ। अल्बाट्रस प्रजातिमा भालेपोथी पालैले ओथारो बस्ने गर्छन्। चल्ला जन्मिएपछि पनि मिलेर चारो खुवाउँछन्। एजेन्सी
© 2025 All right reserved to khabarcnter.com | Site By : Sobij
