२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । चालु आर्थिक वर्ष २०८०/०८१ का १० महिनामा नेपालको व्यापार घाटा करिब १२ खर्ब रुपैयाँनजिक पुगेको छ ।
गएको साउनदेखि वैशाखसम्म देशमा १३ खर्ब तीन अर्ब ३५ करोड रुपैयाँको सामान आयात गरिएको छ । यो अवधिमा निर्यात भने एक खर्ब २६ अर्ब १७ करोड रुपैयाँको गरिएको छ । यसरी देशलाई ११ खर्ब ७७ अर्ब १८ करोड रुपैयाँ व्यापार घाटा भएको हो ।
भन्सार विभागको तथ्यांकानुसार गत आर्थिक वर्षको १० महिनाको अवधिको तुलनामा चालु आर्थिक वर्षमा आयात २.३९ प्रतिशत र निर्यात ३.६१ प्रतिशतले घटेको छ ।
यस्तै, गत आर्थिक वर्षको यो अवधिमा १४ खर्ब ६६ अर्ब २२ करोड रहेको कुल वैदेशिक व्यापार २.५० प्रतिशतले घटेर १४ खर्ब २९ अर्ब ५३ करोड रहेको छ ।
आयात, निर्यातसहित समग्र वैदेशिक व्यापार घट्दा अर्थतन्त्रमा खासै सुधार नआएको देखिन्छ ।
© 2025 All right reserved to khabarcnter.com | Site By : Sobij
