२०८२ भाद्र १ गते आइतवार
२०८२ भाद्र १ गते आइतवार
काठमाडौं । मधेस प्रदेश सरकारबाट नेकपा (माओवादी केन्द्र) बाहिरिने तयारी गरेको छ ।
जनता समाजवादी पार्टी (जसपा) नेपालले प्रधानमन्त्री पुष्पकमल दाहाल ‘प्रचण्ड’ सरकार गिराउने खेलमा लागेको भन्दै सरकारबाट बाहिरिने तयारी गरेको हो ।
सत्तासाझेदार दल माओवादी केन्द्र सरकारबाट बाहिरिनुभन्दा पहिले समर्थन फिर्ता लिने तयारी गरेको एक सांसदले बताए ।
उनले भने, ‘हामीले समर्थन फिर्ता लिए सरकार स्वतः अल्पमतमा पर्छ । त्यसपछि हामीले प्रदेश सरकारका बारेमा थप पुनःविचार गर्छौँ । जसपा अध्यक्ष उपेन्द्र यादवले संघमा माओवादी केन्द्र नेतृत्वको सरकार ढलाउने खेलमा लागेकोले हामी मधेस सरकारमा रहिरहन सक्दैनौँ । समर्थन फिर्ता लिन्छौँ र त्यसपछि बाहिरिन सक्छौँ ।’
‘सरकारबाट बाहिरिने तयारीका लागि हामी आन्तरिक गृहकार्य छौँ । ढिलो चाँडो मदेस सरकारबाट बाहिरिने पक्का हो,’ अर्का माओवादी सांसदले भने, ‘उपेन्द्रजीको सरकार ढलाउने प्रयत्न स्वभावैले राम्रो होइन र थिएन । उहाँले सत्तामै बसेर प्रतिपक्षीसँग गठबन्धन गर्न खोज्नु वैमानी हो । यसमा हाम्रो हिजो पनि आपत्ति थियो, आज पनि छ । यसर्थ हामी सरकारमा रहिरहन नैतिकताले दिँदैन ।’
मधेस प्रदेशमा एमालेका २४, जसपाका १९, माओवादी केन्द्रका ९, एकीकृत समाजवादीका ७, कांग्रेसका २२, जनमतका १३, लोसपाका ९, नागरिक उन्मुक्ति १ र संघीय समाजवादीका १ सांसद छन् ।
© 2025 All right reserved to khabarcnter.com | Site By : Sobij
