२०८२ भाद्र १४ गते शनिवार
२०८२ भाद्र १४ गते शनिवार
एजेन्सी । यस धर्तीमा अनौठा अनौठा प्राकृतिक संरचना र ठाउँहरू छन् । यसैमध्ये एउटा हो कोस्टा रिकाको भेनेसिया डे सान कार्लोसको द रेक्रेयो टुरिस्ट कम्प्लेक्समा रहेको एउटा गुफा । यस गुफामा कुनैपनि सजीव प्राणी फर्केर आउँदैन ।
यस गुफा बाहिरबाट हेर्दा ओत लाग्न सजिलो ठाउँ हो । तर, यसको सक्कली रुप भने अर्कै छ । यहाँ छिर्ने जोकोही एकै छिनमा मर्नेछ । यसको कारण गुफामा रहेको घातक कार्बन मोनोअक्साइ हो । अक्सिजन नभएको र अत्यधिक मात्रामा कार्बन डाइअक्साइड रहेकोले यस गुफामा छिर्ने जोकोहीको प्राण जान्छ ।
‘दि डेड केभ’ मा कसरी यति धेरै कार्बन डाइअक्साइड निर्माण हुन्छ त ? ध्ययनकर्ताहरूका अनुसार त्यहाँ रहेको खनिज र उच्च तापक्रमले यस्तो भएको हो । वैज्ञानिकहरूका अनुसार गुफामा हरेक घण्टा ३० केजी कार्बन डाइअक्साइड निर्माण हुन्छ ।
२ मिटर गहिरो र ३ मिटर लामो यो गुफा घातक रहेको द रेक्रेयो टुरिस्ट कम्प्लेक्स निर्माणको क्रममा पत्ता लागेको थियो । एक कामदार गुफाको नजिक पुग्दा बिरामी भएपछि यसबारे अध्ययन हुँदा गुफाको वास्तविकता पत्ता लागेको थियो ।
© 2025 All right reserved to khabarcnter.com | Site By : Sobij
