२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । निर्धन उत्थान लघुवित्त वित्तीय संस्थाले संस्थापक सेयरधनीमा नयाँ लगानीकर्ता भित्र्याउने भएको छ । कम्पनीले चैत १८ गतेबाट संस्थापक सेयर बिक्रीमा राखेको छ ।
कम्पनीले कुल एक लाख ८ हजार ५४२ कित्ता सेयर बिक्रीमा राखेको हो । १०० रुपैयाँ अंकित दरका सेयरको न्यूनतम मूल्य प्रति कित्ता ५५० रुपैयाँ कायम गरिएको छ। खरिद गर्न इच्छुकले योभन्दा बढी मूल्य प्रस्ताव गरेर बोलकबोलमा सहभागी हुन सक्छन् ।
५५० रुपैयाँ दरमा सेयर बिक्री भए यो करिब ५ करोड ९६ लाख ९८ हजार रुपैयाँ बराबरको डिल हुने छ । सरकारलाई पनि साढे २४ लाख रुपैयाँ पुँजीगत लाभकर प्राप्त हुने छ ।
विगतमा ८० प्रतिशतसम्म लाभांश बाँडेको निर्धनले गत वर्ष १४ प्रतिशतभन्दा कम लाभांश दिएको थियो । अघिल्लो वर्ष साढे ४० प्रतिशत लाभांश दिएको थियो ।
कम्पनीको चुक्ता पुँजी एक अर्ब ५० करोड रुपैयाँ छ । २ अर्ब ८८ करोड रुपैयाँ जगेडा कोषमा छ। कोभिडका कारण चालु वर्षको पहिलो त्रैमासमा २७ करोड ९२ लाख रुपैयाँ नोक्सानीमा गएको कम्पनी दोस्रो त्रैमासमा ५ करोड ७१ लाख रुपैयाँ नाफामा छ । अघिल्लो वर्षको पुसमा कम्पनी साढे ४० करोड रुपैयाँ नाफामा थियो ।
सेयर खरिद गर्न इच्छुकले बैशाख २१ गतेसम्म आवेदन दिइसक्नु पर्छ । आवेदन बिक्री प्रबन्धक एनआइबीएल एस क्यापिटलमा दिनु पर्नेछ ।
© 2025 All right reserved to khabarcnter.com | Site By : Sobij
