२०८२ माघ १२ गते सोमवार
२०८२ माघ १२ गते सोमवार
काठमाडौं । लामो समयदेखि रिक्त पदपूर्तिका लागि प्रधानमन्त्री पुष्पकमल दाहाल ‘प्रचण्ड’सहित प्रतिपक्षी दलका शीर्ष नेताहरू परामर्शमा जुटेका छन् । आज (आइतबार) ९ बजेदेखि सुरु भएको उक्त बैठकमा प्रधानमन्त्री प्रचण्ड, सत्ता साझेदार दल नेकपा (एमाले) प्रमुख प्रतिपक्षी दल नेपाली कांग्रेस लगायतका शीर्ष नेताहरू आपसी परामर्शमा जुटेका हुन् ।
प्रधानमन्त्री निवास बालुवाटारमा जारी बैठकले संवैधानिक निकायमा रिक्त पदाधिकारी नियुक्तिका लागि सिफारिस गर्ने जनाइएको छ ।
परिषद्का अध्यक्षसमेत रहेका प्रधानमन्त्री पुष्पकमल दाहाल प्रचण्डले सत्ता साझेदार एमाले र प्रमुख विपक्षी दल कांग्रेसका शीर्ष नेतासँगको परामर्शपछि बैठक बोलाएका हुन् ।
प्रधानमन्त्री प्रचण्डले हिजो (शनिबार) बेलुकी एमाले अध्यक्ष केपी ओली र कांग्रेस सभापति शेरबहादुर देउवासँग संयुक्त छलफल गरेका थिए ।
प्रधानमन्त्री अध्यक्ष रहने उक्त परिषद्का सदस्यहरुमा प्रधानन्यायाधीश, प्रतिनिधि सभाका सभामुख, राष्ट्रिय सभाका अध्यक्ष, प्रतिनिधि सभाका प्रमुख विपक्षी दलका नेता र प्रतिनिधि सभाको उपसभामुख रहन्छन् । एमालेसहितको सत्ता समीकरण बनेपछि पहिलो पटक संवैधानिक परिषद्को बैठक बस्न लागेको हो ।
बैठकमा महालेखापरीक्षकसहित राष्ट्रिय प्राकृतिक स्रोत तथा वित्त आयोग र निर्वाचन आयोगमा रिक्त रहेका पदाधिकारी नियुक्तीका विषयमा छलफल हुने बताइएको छ ।
© 2026 All right reserved to khabarcnter.com | Site By : Sobij
