हिलाम्मे बाटो भाइरल बनेपछि सडक विभागले भन्यो– स्वघोषित विज्ञहरूले भाइरल हुनका निम्ति यस किसिमको हर्कत गरे

फाल्गुण २२, २०८० मंगलवार

2.4K

हिलाम्मे बाटो भाइरल बनेपछि सडक विभागले भन्यो– स्वघोषित विज्ञहरूले भाइरल हुनका निम्ति यस किसिमको हर्कत गरे

काठमाडौँ । विगत २४ घण्टामा सडक विभाग परिसर हुँदै जाने सडकका बारेमा तस्बिर राखी सामाजिक सञ्जालमा अतिरञ्जित प्रतिक्रियाबारे सडक डिभिजन काठमाडौँको गम्भीर ध्यानाकर्षण भएको जनाएको छ ।

आज एक विज्ञप्ति जारी गर्दै विभागले शनिबार सबग्रेडको तयारी गरेको भोलिपल्ट आएको वर्षाको कारण सडक हिलो भएको विषयलाई सडक विभागकै प्रतिष्ठासँग जोडेर अतिरञ्जित गर्नु खेदजनक भएको जनाएको हो ।

विज्ञप्तिमा भनिएको छ, 'यस डिभिजनसँग सडक विभागको परिसरमा स्तरोन्नति गर्ने कामका निमित्त सम्झौता गरेको निर्माण व्यवसायीले मिति २०८०/११/१९ गते शनिबार सबग्रेडको तयारी गरेको भोलिपल्ट आएको वर्षाको कारण सडक हिलो भएको विषयलाई सडक विभागकै प्रतिष्ठासँग जोडी अतिरञ्जित गर्नु खेदजनक छ ।'