२०८२ मंसिर १३ गते शनिवार
२०८२ मंसिर १३ गते शनिवार
काठमाडौं । साताको पहिलो दिन आइतबार सेयर बजारको परिसूचक नेप्से २ हजार अंकभन्दा तल झरेको छ । २ हजार अंकलाई कतिपयले एउटा सपोर्ट विन्दुका रुपमा बुझ्ने गरेका थिए । तर आइतबार भने २ हजार विन्दुबाट बजार तल झरेपछि अन्तिम समयसम्म गिरावट कायम रह्यो । अघिल्लो दिनको तुलनामा नेप्से २६.८१ अंक घटेर १९७९ अंकमा कायम भएको छ ।
कुल ३ अर्ब ८ करोडको कारोबार भयो । आइतबारको बजारमा पनि हाइड्रोपावर समूह बढी प्रभावित भएको छ । यो समूह २.४२ प्रतिशत घट्यो । फाइनान्स १.४ र उत्पादन ०.८० प्रतिशत बढे । तीबाहेकका सबै समूह घटेका छन् ।
यस दिन समाज लघुवित्तको मूल्य भने १० प्रतिशत घट्यो । कम्पनीको सेयर मूल्य १० प्रतिशत घट्दा पनि लगानीकर्ताले बिक्री गर्न पाएनन् । सूचीकृत भएपछि नै अघिल्लो दिनसम्म यस कम्पनीको मूल्य १० प्रतिशत बढ्दै गएको थियो । मोलुङ हाइड्रोपावरको मूल्य पनि १० प्रतिशत घट्यो । सामलिङ पावरको ९.५, बलेफी हाइड्रोको ९.२ तथा जोशी हाइड्रोको ७.७ प्रतिशत मूल्य घट्यो ।
कारोबार रकमका आधारमा सननेपाल लाइफ इन्स्योरेन्स, जोशी हाइड्रोपावर, हिमालयन रिइन्स्योरेन्स, गोर्खाज फाइनान्स र ङादी ग्रुप पावर कम्पनी क्रमशः अगाडि रहे ।
© 2025 All right reserved to khabarcnter.com | Site By : Sobij
