२०८२ माघ १३ गते मंगलवार
२०८२ माघ १३ गते मंगलवार
काठमाडौँ । लोकतान्त्रिक समाजवादी पार्टी नेपालले केन्द्रीय समितिको बैठक बसाउने तयारी थालेको छ । लोसपाले असोज ८ गते ३११ सदस्यीय केन्द्रीय समितिको नामावली सार्वजनिक गरेको थियो ।
सो केन्द्रीय समितिको पहिलो बैठक बोलाउने तयारी भइरहेको लोसपाका महासचिव डा.सुरेन्द्र झाले बताए । उनले भने, ‘केन्द्रीय समितिको पहिलो बैठक बसाउने तयारी भइरहेको छ, अहिले डेट फिक्स भएको छैन तर छठ पछि तुरुन्तै बस्न गरी गृहकार्य चलिरहेको छ ।’
त्यस्तै, बैठकले केन्द्रीय समिति विस्तार पनि गर्ने बताइएको छ । ‘विधानअनुसार ४०१ सदस्यीय कार्य समिति हुनुपर्छ । हाल ३११ जनाको समिति बनाइएको छ । त्यसमा ९० जना थपेर त्यसलाई बैठकले पूर्णता दिन्छ’ महासचिव झाले भने ।
लोसपामा हाल कार्यकारिणी समिति र केन्द्रीय समिति मात्र रहेको छ । त्यसबाहेक कुनै समिति बनेको छैन । युवा र विद्यार्थी सङ्गठनबाहेक अन्य भातृ सङ्गठन पनि बनेको छैन । भातृ सङ्गठन बनाउनका लागि पार्टीमा गृहकार्य चलिरहेको छ ।
पार्टीका वरिष्ठ नेता तथा पदाधिकारीहरूसँग छलफल गरी भातृ सङ्गठन बनाउने गृहकार्य चलिरहेको लोसपाले जनाएको छ ।
© 2026 All right reserved to khabarcnter.com | Site By : Sobij
