२०८२ भाद्र ८ गते आइतवार
२०८२ भाद्र ८ गते आइतवार
काठमाडौं । ‘येँयाः’को अवसरमा पहिको युवा क्लव, पहिक्वःले पुलुकिसी, मजिपा लाखे आजु र सवाद्यःलाई आफ्नो टोलमा आमन्त्रण गर्यो ।
काठमाडौं–१६ खुसिबुँस्थित खुसिबुँ चोकबाट सामाजिक चोक, सोसियल ग्राउण्ड, पहिको चोक हुँदै दथुपहिक्वः पुगि समापन भएको उक्त कार्यक्रम खुसिबुँ पासा पुचः, नेपाः सेवाः पुचः र समाज कल्याण खेलकुद केन्द्रसमेतको आयोजनामा सम्पन्न भएको हो ।
येँयाःलाई भव्यताका साथ सम्पन्न गर्नको निम्ति आयोजक संस्थाको संयुक्त आयोजनामा यही असोज ६ गते वृहत सरसफाई कार्यक्रमको समेत आयोजना गरिएको थियो । सोही अवसरमा पहिको युवा क्लव २५ वर्ष पुगेको तथा येँयाःको अवसर पारेर तयार पारिएको टी सर्ट समेत वितरण गरिएको थियो ।
आयोजक संस्थाका अध्यक्ष सानु महर्जनले कार्यक्रम समापनको अवसरमा काठमाडौंको छुट्टै महत्व र मौलिकता बोकेको येँयाःलाई भव्यताका साथ सम्पन्न गर्नको निम्ति सोही अनुसारको तयारी गरेको जस अन्तर्गत अमृतचन्द्र श्रेष्ठ निर्देशित नेपालभाषाको चलचित्र सिरिव बञ्जाको प्रदर्शन, सरसफाई, प्रचार प्रसार तथा टीसर्ट वितरणको कार्यक्रम गरिएको बताउनु भयो ।
© 2025 All right reserved to khabarcnter.com | Site By : Sobij
