२०८२ माघ १३ गते मंगलवार
२०८२ माघ १३ गते मंगलवार
काठमाडौँ । सांसद अमरेश कुमार सिंहले नागरिकताको विषयमा आफ्नै नागरिकसँग भेदभाव नगर्न सरकारसँग आग्रह गरेका छन् । बुधबार बसेको प्रतिनिधिसभा बैठकको शून्य समयमा सांसद सिंहले रवि लामिछानेको मुद्दा एकै दिनमा फैसला हुने र अन्यको मुद्दा भने बर्षौ लाग्ने राजनीतिक प्रभाव अदालतमा पनि देखिएको बताएका हुन् ।
नागरिकता नपाएकाहरु केही दिनदेखि धर्नामा बसिरहेका छन्। साथसाथै संविधान सभाका सदस्य रामकुमार शर्मा पनि आमरण अनसन बसेका छन् । उनी बीर हस्पिटलमा छन् ।
एकातिर २०७२ मा कानून जारी भयो नागरिकता कानून तुरुन्तै बनाउनुपर्छ भनेर तर कार्यन्वयन भएन । उनले भने, हाम्रो राजनीतिक दल र तत्कालीन सरकार त्यसमा चुकेको छ ।
नागरिकप्रति न्यायोचित व्यवहार हुनुपर्ने त्यो पनि सरकारले गर्न सकेको छैन् । कुनै पनि नागरिकमाथि प्रहरी दमन नहोस। रवि लामिछानेको मुद्धा एकै दिन फैसला हुने अरु मुद्धामा चाहीँ वर्षौ लाग्ने अदालतले पनि राजनीतिक प्रभावमा परेको देखिन्छ ।
© 2026 All right reserved to khabarcnter.com | Site By : Sobij
