२०८२ माघ ७ गते बुधवार
२०८२ माघ ७ गते बुधवार
काठमाडौं । नागरिक लगानी कोषले बुधवारदेखि अवितरित ३ लाख ५४ हजार १५० दशमलव शून्य ५ कित्ता हकप्रद शेयर लिलामीमा विक्री खुला गरेको छ ।
कोषले गत पुस २८ देखि माघ १९ गतेदेखि विक्री खुला गर्दा माग नभएको सर्बसाधारणतर्फको उक्त शेयर चैत २ गतेसम्मका लागि विक्री खुला गरेको हो । यो शेयरको न्यूनतम मूल्य रू। १०० तोकिएकाले सो वा सोभन्दा बढी मूल्य अंकित गरी बोलकबोल गर्नुपर्नेछ ।
शेयर खरीदका लागि बोलकबोल पेश गर्दा न्यूनतम १० कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ । कोषको शेयर विक्री प्रबन्धकमा आरविवि मर्चेण्ट बैंकिङ्ग रहेको छ ।
विक्री प्रबन्धकसँगै राष्ट्रिय वाणिज्य बैंकको वीरगञ्ज, जनकपुर, चितवन, बाग्लुङ, बुटवल, रुपन्देही, बाँके, वीरेन्द्रनगर, धनगढी, कैलाली, झापा, हेटौंडा, दाङ र महेन्द्रनगरको शाखा कार्यालयमा पनि बोलपत्र बुझाउन सकिनेछ । साथै नागरिक लगानी कोषको नयाँ बानेश्वर, काठमाडौं तथा शाखा कार्यालयहरु विराटनगर र पोखरामा पनि बोलपत्र बुझाउन सकिनेछ ।
© 2026 All right reserved to khabarcnter.com | Site By : Sobij
