२०८२ भाद्र २३ गते सोमवार
२०८२ भाद्र २३ गते सोमवार
काठमाडौँ । पूर्वगृहमन्त्री बालकृष्ण खाँण निर्दोष रहेको भन्दै साधारण तारेखमा रिहा गर्न उनका कानून व्यवसायीहरूले माग गरेका छन् ।
नक्कली शरणार्थी प्रकरणमा पीडित भनिएकाहरू कसैले नाम नलिएको र जाहेरीमा पनि नाम उल्लेख नरहेको भन्दै उनीहरूले खाँणमाथिको अभियोग पुष्टि नहुने जिकिर गरेका हुन् ।
खाजा ब्रेकअघि वरिष्ठ अधिवक्ता शेरबहादुर केसी र अधिवक्ता पंकज कर्णले बहस गरेका थिए । उनीहरूले तत्कालीन गृहमन्त्री बालकृष्ण खाँण निर्दोष रहेको दाबी गरे । अर्का प्रतिवादी केशव दुलालले प्रहरीमा गरेको बयानका आधारमा अभियोग पुष्टि नहुने उनीहरूको जिकिर थियो ।
अदालतमा बयान गर्दा स्वय दुलालले पनि उक्त कुरालाई खण्डन गरेको दाबी समेत उनीहरूले गरे । जिल्ला अदालत काठमाडौंले बहसका लागि आज सम्मको समय दिए पनि बहस नसकिने भएको छ ।
न्यायाधीश प्रेमप्रसाद न्यौपानेले आइसकेका कुरा नदोहोर्याउन र नयाँ तथ्य मात्र पेश गर्न पटक-पटक आग्रह गरिरहेका छन् ।
© 2025 All right reserved to khabarcnter.com | Site By : Sobij
