२०८२ भाद्र ८ गते आइतवार
२०८२ भाद्र ८ गते आइतवार
काठमाडौं । प्रतिनिधिसभा पुनःस्थापना भए फेरि सांसद किनबेच र तमासाको राजनीति शुरू हुने भन्दै प्रधानमन्त्री केपी शर्मा ओलीले चिन्ता ब्यक्त गरेका छन् ।
केही दिनमा प्रतिनिधिसभा विघटन सम्बन्धी फैसला आउने र देश निर्वाचनमा होमिले उनले बताए ।
कञ्चनपुरको वेदकोट नगरपालिकामा सोमवार औद्योगिक क्षेत्र व्यवस्थापन लिमिटेडको आयोजनामा छेला औद्योगिक क्षेत्र शिलान्यास गर्दै प्रधानमन्त्री ओलीले प्रतिनिधिसभा पुनःस्थापना भए देश निर्माणको काम प्रभावित हुने बताए ।
‘अब यदि पुनःस्थापना हुने हो भने के हुन्छ, यसो कल्पना गरौं । पुनःस्थापना हुने भयो भने प्रधानमन्त्री खोज्न हिँड्नुपर्छ, प्रधानमन्त्री खोज्न पार्टी खोज्न हिँड्नुपर्छ । कुनै पार्टीको बहुमतको सरकार हुँदैन, त्यसो भएपछि समीकरणका अनेक खेल, सांसद किनबेच कसलाई कुन पद, भागबण्डा त्यही तमासाको राजनीति फेरि शुरू हुन्छ,’ ओलीले भने ।
अबको २–३ दिनमा सर्वोच्चबाट फैसला आउने ओलीले विश्वास गरे । प्रधानमन्त्री ओलीले आफूहरूको ध्यान विकास र निर्माणतर्फ केन्द्रित रहेको बताए ।
© 2025 All right reserved to khabarcnter.com | Site By : Sobij
