२०८२ भाद्र ८ गते आइतवार
२०८२ भाद्र ८ गते आइतवार
काठमाडौं । उपचारका लागि भारतमा रहेका पूर्वप्रधानमन्त्री एवं जनता समाजवादी पार्टीका संघीय परिषद् अध्यक्ष डा. बाबुराम भट्टराईले चिकित्सकसँग परामर्श गरेका छन् । डा. प्रोफेसर विक्रम भाटियासँग उनले परामर्श लिएका हुन् ।
भारतको नयाँदिल्लीस्थित ‘इन्स्टिच्युट अफ लिभर एन्ड बिलिअरी साइन्सेस’मा भर्ना भई भट्टराईको स्वास्थ्यको थप परीक्षण हुने जसपा केन्द्रीय सदस्य तथा भट्टराईका प्रेस सल्लाहकार विश्वदीप पाण्डेले जानकारी दिए । उनका अनुसार भट्टराईलाई मंगलबार अस्पतालमा भर्ना गरिनेछ ।
भट्टराई स्वास्थ्योपचारका लागि नेपाल वायुसेवाको जहाजबाट आइतबार दिल्ली गएका हुन् । पेटमा समस्या देखिएपछि लामो समयदेखि काठमाडौंको निदान अस्पतालमा परीक्षण र उपचार गराइरहेका उनलाई चिकित्सकले दिल्ली जान सल्लाह दिएको पाण्डेले जानकारी दिएका छन् ।
© 2025 All right reserved to khabarcnter.com | Site By : Sobij
