२०८२ मंसिर २ गते मंगलवार
२०८२ मंसिर २ गते मंगलवार
नयाँ वर्ष ०८० को अवसरमा २ वैशाखमा काठमाडौं दरबारमार्गमा एनसेल प्रिजेन्ट्स पर्पल स्याटर्डे:१६औँ दरबारमार्ग सडक महोत्सव आयोजना हुने भएको छ । नेपाल उद्योग वाणिज्य महासंघ, दरबारमार्ग विकास बोर्ड र रेस्टुरेन्ट एन्ड बार एसोसिएसन नेपाल (रेबान)ले एनसेलसँगको महोत्सव आयोजना गर्न लागेको हो ।
आन्तरिक पर्यटनलाई प्रवर्द्धन गरी देशको पर्यटन विकासमा टेवा पुर्याउने र नेपाली उत्पादन, नेपाली परिकार र नेपाली संस्कृतिको प्रवर्द्धन गर्ने महोत्सवको मूल उद्देश्य रहेको छ । काठमाडौं उपत्यकाभित्रका संस्कृति झल्कने प्रस्तुतिका साथ महोत्सवको शुभारम्भ शनिबार बिहान साढे ११ बजे हुनेछ । महोत्सवमा कलाकारहरू दीपक बज्राचार्य एन्ड रिदम ब्यान्ड, कुटुम्ब, पहेँलो बत्तीमुनि, त्रिशाला गुरुङ, रोहित शाक्य, सिंक्रोनस, लाहुरे र दी एलिमेन्ट्स आदिको प्रस्तुति हुनेछन् ।
महोत्सवमा शारीरिक रूपमा भिन्न क्षमता भएका उद्यमीहरूले उत्पादन गरेका हस्तकलाका वस्तुहरू र महिला उद्यमीसहित हस्तकला उद्यमीहरूबाट उत्पादित वस्तुहरू प्रदर्शनीमा रहनेछन् । विभिन्न नेपाली खानाका परिकारहरू र स्वदेशी उत्पादनहरूको विशेष प्रदर्शन–प्रस्तुतिका स्टलहरू, बालबालिकाका लागि छुट्टै किड्स जोन महोत्सवको विशेष आकर्षण हुनेछन् ।
महोत्सवको संरक्षकमा काठमाडौं महानगरपालिका, मुख्य प्रायोजनमा एनसेल, सहप्रायोजकमा कार्लबर्ग, वेभरेज पार्टनरमा डाबर नेपाल, सहयोगी संस्था नेपाल पर्यटन बोर्ड र अन्यमा कुनु नेपाल, एनडिज आइसक्रिम र केएफसी रहेका छन् ।
© 2025 All right reserved to khabarcnter.com | Site By : Sobij
