२०८२ मंसिर ५ गते शुक्रवार
२०८२ मंसिर ५ गते शुक्रवार
एन्फाले आयोजना गर्ने तीनै डिभिजनको लिगको मार्केटिङ, ब्रोडकास्टिङ, डिजिटल र टिकेटिङको सम्पूर्ण अधिकार एमडीएससी स्पोर्ट्स प्रालिले प्राप्त गरेको छ ।
एमडीएससीले लिगको शिर्ष प्रायोजक बाहेकको अधिकार पाएको हो । सोमबार एन्फाले एक पत्रकार सम्मेलन आयोजना गर्दै सम्झौतामा हस्ताक्षर गरेको छ ।
एमडीएससीले कर बाहेक एक करोड ९७ लाखमा उक्त अधिकार किनेको हो । एन्फाले तीन पटक यसका लागि टेन्डर आह्वान गरेको थियो ।
सम्झौता पत्रमा एन्फाका महासचिव किरण राई र एमडीएससी स्पोर्ट्सका अर्जुन घिमिरेले हस्ताक्षर गरेका छन् ।
त्यस्तै लिगका खेलको प्रत्यक्ष प्रशारण स्पेस फोरकेले गर्नेछ । यसका लागि एमडीएससी स्पोर्ट्स र टेलिभिजनबीच सम्झौता भईसकेको छ ।
सहिद स्मारक 'ए' डिभिजन लिग फागुन १९ गतेबाट सुरु हुँदैछ । डबल राउन्ड रोबिनमा हुने 'ए' डिभिजन लिगका खेलहरु दशरथ रंगशाला, च्यासल रंगशाला र एन्फा कम्प्लेक्सको खेल मैदानमा हुनेछ ।
© 2025 All right reserved to khabarcnter.com | Site By : Sobij
