२०८२ भाद्र २ गते सोमवार
२०८२ भाद्र २ गते सोमवार
अमेरिकामा ४ लाख ८३ हजार भन्दा बढी कोरोना संक्रमितको मृत्यु भएको छ । पछिल्लो २४ घण्टामा ३ हजार ४३२ संक्रमितको मृत्यु भएसँगै अमेरिकामा कोरोनाका कारण मृत्यु हुनेको संख्या ४ लाख ८३ हजार २०० पुगेको छ ।
यस्तै पछिल्लो २४ घण्टामा ९६ हजार ८०६ जनामा कोरोना संक्रमण पुष्टि भएको छ । यसअघि २७ मंसिरमा एकैदिन अहिलेसम्मकै धेरै ३ लाख ८६ हजार ६५४ जनामा संक्रमण भएको थियो । पछिल्लो वृद्धिसँगै अमेरिकामा कोरोना संक्रमितको संख्या २ करोड ७८ लाख ९७ हजार २१४ पुगेको छ ।
संक्रमितमध्ये अहिलेसम्म १ करोड ७८ लाख २७ हजार ३२३ जना संक्रमणमुक्त भएका छन् । उपचार गराइरहेका ९५ लाख ८६ हजार ६९१ जनामध्ये २१ हजार १८ जनाको अवस्था गम्भीर रहेको वर्ल्डोमिटर्सले जनाएको छ ।
© 2025 All right reserved to khabarcnter.com | Site By : Sobij
