२०८२ माघ १५ गते बिहिवार
२०८२ माघ १५ गते बिहिवार
उपप्रधानमन्त्री एवं भौतिक पूर्वाधार तथा यातायातमन्त्री नारायणकाजी श्रेष्ठसँग भारतीय विदेश मन्त्रालयका आर्थिक सम्बन्ध तथा विकास साझेदार मामिलासम्बन्धी सचिव प्रभात कुमारले भेटवार्ता गरेका छन् । सोमबार मन्त्रालयमा उनीहरूबीच भेटवार्ता भएको हो ।
भेटका क्रममा उपप्रधानमन्त्री श्रेष्ठले घनिष्ट छिमेकीको रूपमा भारतले नेपालको विकास र समृद्धिका लागि सधैँ सहकार्यको हात बढाएकोमा खुसी व्यक्त गरेको उनको सचिवालयले जानकारी दिएको छ ।
भारतीय सहयोगमा सञ्चालित विभिन्न विकास आयोजनाबारे बुझ्न नेपाल आएका कुमारले उपप्रधानमन्त्री श्रेष्ठसँगको भेटमा नेपालको विकासमा अर्थपूर्ण साझेदारी गर्न भारत सदैव तयार रहेको बताएका छन् ।
भेटमा भारतले लगानी गरेका केही पूर्वाधार आयोजना, रेलवे सञ्चालन र भारतीय एक्जिम बैंकको लगानीमा सञ्चालित केही सडक योजनाको प्रगतिका विषयमा समेत कुराकानी भएको थियो ।
हाल निर्माण क्रममा रहेका बालाजु-त्रिशुली सडक र भालुबाङ-बाग्दुला-भीमगोठे सडक एक्जिम बैंकको लगानी अन्तर्गतका हुन् ।
© 2026 All right reserved to khabarcnter.com | Site By : Sobij
