२०८२ मंसिर १४ गते आइतवार
२०८२ मंसिर १४ गते आइतवार
एक्सेल डेभलपमेन्ट बैंक लिमिटेडले चालु आर्थिक वर्षको पहिलो त्रैमाससम्ममा २ करोड १८ लाख रुपैयाँ खुद नाफा आर्जन गरेको छ । बैंकले सार्वजनिक गरेको चालु आर्थिक वर्षको तीन महिनासम्मको वित्तिय विवरणले यस्तो देखाएको हो ।
विवरण अनुसार बैंकको नाफा अघिल्लो वर्षको तुलनामा १९.६२ प्रतिशतले बढेको छ । यो त्रैमासमा बैंकले सञ्चालन मुनाफाबापत ५ करोड १५ लाख रुपैयाँ आर्जन गरेको छ । अघिल्लो वर्ष बैंकले यस्तो मुनाफा २ करोड ६१ लाख रुपैयाँमा सीमित थियो। यस्तो मुनाफा पनि ९७.३१ प्रतिशतले बढेको छ ।
समीक्षा अवधिमा बैंकले १५ करोड ५४ लाख रुपैयाँ खुद ब्याज आम्दानी गरेको छ। अघिल्लो वर्ष यस्तो आम्दानी ११ करोड ३१ लाख रुपैयाँमा सीमित थियो । यो हिसाबले खुद ब्याज आम्दानी ३७.४१ प्रतिशतले बढेको छ ।
पहिलो त्रैमासमा बैंकले ११ अर्ब ६३ करोड रुपैयाँ निक्षेप संकलन गरी १० अर्ब ७ करोड रुपैयाँ कर्जा लगानी गरेको छ । अघिल्लो वर्ष यही अवधिमा बैंकले ११ अर्ब ७५ करोड रुपैयाँ निक्षेप संकलन गरी १० अर्ब २३ करोड रुपैयाँ कर्जा लगानी गरेको थियो ।
चुक्तापुँजी १ अर्ब २४ करोड रहेको बैंकको रिजर्भको आकार सामान्य बढेर ४० करोड २९ लाख रुपैयाँमा झरेको छ । अघिल्लो वर्ष रिजर्भमा ३५ करोड ५ लाख रुपैयाँ थियो ।
बैंकको खराब कर्जाको अनुपात (एनपीएल) बढेर ४.४८ प्रतिशत पुगेको छ । अघिल्लो वर्ष एनपीएल ३।८९ प्रतिशत थियो। सीडी रेसियो ८४.२४ प्रतिशत रहेको बैंकको आधारदर ११.९६ प्रतिशत छ ।
बैंकको वार्षिकीकरण प्रतिसेयर आम्दानी (ईपीएस) घटेर ७.०१ रुपैयाँ रहेको छ । अघिल्लो वर्ष ईपीएस ८।०६ रुपैयाँ थियो । पीई रेसियो ४४.२२ गुणा रहेको बैंकको प्रतिसेयर नेटवर्थ १३२.८९ रुपैयाँ रहेको छ ।
© 2025 All right reserved to khabarcnter.com | Site By : Sobij
